تركيبة محطات واير ليس داخل البيت

بسم الله الرحمن الرحيم

يا جماعة انا هاشرحلكم النهاردة  ازاى تعملو شبكة نت لا سلكية فى البيت للتليفون واللاب توب.

1-يكون عندك نت فى البيت (عن طريق راوتر او عن طريق موزع نت )

2-هنجيب جهاز ارسال وايرليس مثل (tp linkG500او air live)وان كنت عن نفسى افضل الtp link  لان سعره مناسب وكفاءته فى العمل جيدة

3-بعد ما نشترى جهاز البث هنشوف الرقم الى مكتوب على ظهر الجهاز وهندخل من خلاله على صفحة الاعدادات بتاعة الاكسس

4-بعد ما ندخل على صفحة الاعدادات هنبرمج الجهاز انه يعمل AP او على وضع الاكسس بوينت ونسمى الاكسس اى اسم تحبه

5-بعد كدة نعمل سكيورتى للأكسس مكون من 10 ارقام وحرف

6- بعد كدة نوصل سلك الاكسس فى الراوتر او فى الوصله الى جاية من عند الراجل بتاع الشبكة

7-بكدة يكون النت كدا جاهز للبث ممكن تفتح اللاب وتبحث عن الشبكة بتاعتك وتعملها كنكت ولما تطلب السكيورتى اكتبلها السكيورتى الى انت عملته فى الاكسس

8-وبكده يكون النت وصل فى الاب ونفس القصة فى الموبايل

رجاء اى حد ليه اى استفسار يسيب تعليق وانا هارد عليه فى اسرع وقت .

واى حد عاوز اى حاجة فى الويرليس يطلبها وان شاء الله يلاقى بعدها الشرح الكامل عنها .

سيتم عمل المواضيع بعد ذلك بالشرح المفصل والصور .